രാജ്യസ്നേഹികള്‍ രാജ്യത്തെക്കുറിച്ച് ചിന്തിക്കുക.! - മൗലാനാ സയ്യിദ് അബുല്‍ ഹസന്‍ അലി നദ് വി

രാജ്യസ്നേഹികള്‍ 
രാജ്യത്തെക്കുറിച്ച് ചിന്തിക്കുക.! 
- മൗലാനാ സയ്യിദ് അബുല്‍ ഹസന്‍ അലി നദ് വി
http://swahabainfo.blogspot.com/2018/07/blog-post_26.html?spref=tw

(1994 ഡിസംബര്‍ 7-ന് ഡല്‍ഹിയിലെ രാംലീല മൈതാനത്ത് കൂടിയ മഹാ സമ്മേളനത്തില്‍ കേന്ദ്ര മന്ത്രിമാരും സംസ്ഥാന മുഖ്യമന്ത്രിമാരും അടങ്ങുന്ന ഒരു മഹാസമ്മേളനത്തില്‍ മൗലാനാ അലീമിയാന്‍ നടത്തിയ പ്രധാന പ്രഭാഷണം.)
ബഹുമാന്യരെ, ഇന്ത്യയുടെ തലസ്ഥാനത്ത് പ്രധാനപ്പെട്ട ഒരു സമയത്ത്, പ്രധാനികളടക്കം ഒരുമിച്ചുകൂടിയ ഈ മഹാസമ്മേളനത്തിന് മുമ്പാകെ ഈ രാജ്യത്തിന്‍റെയും രാജ്യനിവാസികളുടെയും ഭാവിയുമായി ബന്ധപ്പെട്ട വളരെ ഗൗരവമായ ഒരു വിഷയം സമര്‍പ്പിക്കാന്‍ ആഗ്രഹിക്കുന്നു. ഇക്കാര്യം നിങ്ങള്‍ ഓരോരുത്തരും ശ്രദ്ധിച്ച് മനസ്സിലാക്കുകയും ഉള്‍ക്കൊള്ളുകയും ചെയ്താല്‍ ഈ രാജ്യത്തെ നാശ-നഷ്ടങ്ങളില്‍ നിന്നും മാത്രമല്ല, വംശ നശീകരണത്തില്‍ നിന്നും ആത്മഹത്യയില്‍ നിന്നും രക്ഷിക്കാന്‍ സാധിക്കുന്നതാണ്. 
സഹോദരങ്ങളെ, ഇന്ത്യാ മഹാരാജ്യത്തെ സംബന്ധിച്ചിടത്തോളം സര്‍വ്വലോക പരിപാലകനായ പടച്ച തമ്പുരാന്‍ ധാരാളം തത്വങ്ങളും നിരവധി അനുഗ്രഹങ്ങളും അടങ്ങിയ ഒരു തീരുമാനമാണ് എടുത്തിട്ടുള്ളത്: അതെ, നമ്മുടെ ഈ രാജ്യം വ്യത്യസ്ഥ സമുദായങ്ങളുടെയും വിഭാഗങ്ങളുടെയും മതങ്ങളുടെയും ഭാഷകളുടെയും സംസ്കാരങ്ങളുടെയും കേന്ദ്ര സ്ഥാനമാണ്. ഈ രാജ്യം ഒരു പുഷ്പമല്ല, പല പുഷ്പങ്ങള്‍ നിറഞ്ഞ ഒരു പൂച്ചട്ടിയാണ്. ഈ മഹാ രാജ്യം ഒരു വൃക്ഷമല്ല, ഫലങ്ങള്‍ നിറഞ്ഞ തണല്‍ വിരിച്ച് നില്‍ക്കുന്ന ധാരാളം വൃക്ഷങ്ങളുടെ തോപ്പാണ്. മതങ്ങളുടെയും ഭാഷകളുടെയും സംസ്കാര രീതികളുടെയും ഭിന്നതയോടൊപ്പം തന്നെ ഒരുമിച്ച് കൂടി ജീവിക്കാനും പരസ്പരം ആദരിക്കാനും സഹകരിക്കാനും സാധിക്കുമെന്ന് ലോകത്തിന് പഠിപ്പിച്ച് കൊടുക്കുന്ന ഒരു രാജ്യമാണിത്. മറ്റുള്ളവരുടെ പ്രയാസ-പ്രശ്നങ്ങള്‍ പരിഹരിക്കാനും അക്രമ-അനീതികളെ തടയാനും മര്‍ദ്ദിതരെ സഹായിക്കാനും ലോകത്തിന് വലിയ സന്ദേശം നല്‍കുന്ന മണ്ണാണ് ഭാരതം. ഇത് ഒരിക്കലും അമിത പ്രശംസയോ ഇല്ലാത്ത കാര്യമോ അല്ല. ഇന്ത്യാ മഹാരാജ്യത്തിന്‍റെ സുദീര്‍ഘമായ ചരിത്രത്തില്‍ ഇത്തരം ധാരാളം സംഭവങ്ങള്‍ ഉണ്ടായിട്ടുണ്ട്. ഇതിലൂടെ ഈ രാജ്യം ലോകത്തിന് മുന്നില്‍ പലപ്പോഴും അഭിമാനത്തോടെ ഉയര്‍ന്ന് നില്‍ക്കുകയും ലോകം ഈ രാജ്യത്തെ ആദരിക്കുകയും ചെയ്തു. ഭാരതത്തിന്‍റെ മഹാനായ ഒരു പുത്രന്‍ മൗലാനാ അബുല്‍ കലാം ആസാദ് ഈ രാജ്യത്തെക്കുറിച്ച്  സാധാരണ ഉദ്ധരിക്കുന്ന ഒരു കവിതാ ശകലമുണ്ട്: ഈ പൂന്തോട്ടത്തിന്‍റെ അലങ്കാരം തന്നെ വ്യത്യസ്ഥ നിറങ്ങളും മണങ്ങളുമാണ്. പരസ്പര വ്യത്യാസങ്ങളും അഭിരുചികളും ഈ തോട്ടത്തിന്‍റെ അന്തസ്സാണ്.! 
എന്നാല്‍ ഇന്ന് എന്‍റെ നെഞ്ചില്‍ കൈ വെച്ചുകൊണ്ട് വളരെ സ്നേഹത്തോടെ ഒരു കാര്യം അറിയിക്കട്ടെ: കുറച്ച് കാലമായി രാജ്യത്തിന്‍റെ അവസ്ഥ പൗരാണിക രീതിയില്‍ നിന്നും മാറിക്കൊണ്ടിരിക്കുന്നു. പരസ്പര സ്നേഹാദരവുകളുടെയും സാഹോദര്യ-സഹാനുഭൂതികളുടെയും വിഷയത്തില്‍ ഉദാഹരണമായി ലോകം മുഴുവന്‍ പ്രസിദ്ധിയാര്‍ജ്ജിച്ച ഈ രാജ്യം, വര്‍ഗ്ഗീയ ചേരിതിരിവുകളുടെയും പരസ്പര വിദ്വേഷങ്ങളുടെയും വംശീയ കലാപങ്ങളുടെയും പ്രദേശമായി തിരിയുകയാണ്. ശാരീരികമായിട്ടുള്ള വംശ നശീകരണം ചിലര്‍ വ്യക്തമാക്കുമ്പോള്‍ മതപരമായും സാംസ്കാരികമായും ചില വംശങ്ങളെ നശിപ്പിക്കണം എന്ന പദ്ധതി മറ്റ് ചിലര്‍ വ്യക്തമാക്കിക്കൊണ്ടിരിക്കുന്നു. ഈ രാജ്യത്തിന്‍റെ മഹത്തായ പാരമ്പര്യത്തിന്‍റെ അടിസ്ഥാനത്തില്‍ രാഷ്ട്ര നിര്‍മ്മാതാക്കള്‍ ഈ രാജ്യത്തിന് മൂന്ന് അടിസ്ഥാനങ്ങള്‍ നിര്‍ദ്ദേശിച്ചു: ജനാധിപത്യം (ഡമോക്രസി). അഹിംസ (നോണ്‍ വയലന്‍സ്). മതേതരത്വം (സെക്യുലറിസം). എന്നാല്‍ സാധാരണക്കാരല്ല, പ്രധാനപ്പെട്ട പലരും ഇന്ന് ഇതിനെ തള്ളിപ്പറയുന്നു. ഇതിന് പകരം ഈ രാജ്യത്തിന് തീര്‍ത്തും അന്യമായ നാല് ദൈവങ്ങള്‍ ഇന്ന് പ്രത്യക്ഷപ്പെട്ട് തുടങ്ങിയിരിക്കുന്നു. 
1.കൈയ്യൂക്ക്. 
2. രാഷ്ട്രീയ കൗശലം. 
3. പണം. 
4. വര്‍ഗ്ഗീയത. 
ഇതിന് മുന്നില്‍ തല കുനിക്കാനും ഇവയെ പൊക്കിപ്പിടിച്ച് കാര്യങ്ങള്‍ നടത്താനും പലരും മുന്നോട്ട് വന്നുകൊണ്ടിരിക്കുന്നു. ഇത് ഈ രാജ്യത്തിന് അങ്ങേയറ്റം അപകടകരമായ കാര്യമാണ്. 
അതിമഹത്തായ ഒരു ചരിത്രം നിലനില്‍ക്കുന്ന പ്രവിശ്യാലമായ ഒരു ഭൂമിയാണ് ഇന്ത്യ. ഇവിടുത്തെ ഓരോ പ്രദേശവും സ്നേഹ ബഹുമാനങ്ങളുടെ ഗീതം ആലപിക്കുന്നു. കവിത, സാഹിത്യം, വ്യത്യസ്ഥ മതങ്ങളുടെ അദ്ധ്യാപന സന്ദേശങ്ങള്‍, മാതൃകാ വ്യക്തിത്വങ്ങള്‍ എന്നിവയെക്കൊണ്ട് ഈ രാജ്യം വളരെയധികം സമ്പന്നമാണ്. എന്നാല്‍ ഇതേ രാജ്യത്ത് നിസ്സാരമായ പണത്തിന്‍റെ പേരില്‍ ആളുകളെ കൊന്നുകളയുന്നു. എന്തെങ്കിലും സാധന സാമഗ്രികളോ മറ്റോ കൊണ്ടുവരാത്തതിന്‍റെ പേരില്‍ പാവപ്പെട്ട മണവാട്ടികളെ തീയിട്ട് കൊല്ലുന്നു. രാഷ്ട്രീയ ലക്ഷ്യങ്ങള്‍ക്കുവേണ്ടി എന്തും അനുവദനീയമായി കാണുന്നു. വര്‍ഗ്ഗീയ കലാപങ്ങളില്‍ സാധുക്കളായ സ്ത്രീകളോടും നിരപരാധികളായ കുഞ്ഞുങ്ങളോടും പോലും കരുണ കാട്ടപ്പെടുന്നില്ല. കൊലകളുടെയും അക്രമങ്ങളുടെയും പുതിയ പുതിയ രൂപങ്ങള്‍ പ്രത്യക്ഷപ്പെട്ട് കൊണ്ടിരിക്കുന്നു. 
ഇതിനേക്കാളെല്ലാം ദു:ഖകരമായ മറ്റൊരു കാര്യം പറയട്ടെ: വലിയ വലിയ ആരാധനാലയങ്ങളും വിജ്ഞാന കേന്ദ്രങ്ങളും ആത്മീയ സ്ഥലങ്ങളും നിറഞ്ഞുനില്‍ക്കുന്ന ഈ രാജ്യത്ത് മാനവികതയുടെ സന്ദേശം ഉയര്‍ത്തിപ്പിടിക്കാന്‍ -നാം വ്യത്യസ്ഥ മത വിഭാഗങ്ങളാണെങ്കിലും ഒരു രാജ്യക്കാരാണ്. ഈ രാജ്യത്തിന്‍റെ ഏറ്റവും വലിയ നന്മ നാം പരസ്പരം സാഹോദര്യത്തോടെ കഴിയലാണ്. എന്ന സന്ദേശം പ്രചരിപ്പിക്കുന്ന-ഒരു സംഘം പോലും ഈ രാജ്യത്ത് ഇല്ലാ എന്നുള്ളതാണ്. ഇനി ഉണ്ടെങ്കില്‍ തന്നെ വാര്‍ത്താ മാധ്യമങ്ങളും രാഷ്ട്രീയ-സാമുദായിക നേതൃത്വങ്ങളും അണികളും അവരെ ശ്രദ്ധിക്കേണ്ടതുപോലെ ശ്രദ്ധിക്കുന്നില്ല. യഥാര്‍ത്ഥത്തില്‍ ഇത്തരം ഒരു വിഭാഗമാണ് രാജ്യത്തുണ്ടാകേണ്ടത്. എല്ലാവരും അവര്‍ക്ക് പിന്തുണ നല്‍കലും രാജ്യത്തിന്‍റെ ഏറ്റവും വലിയ ആവശ്യമാണ്. 
ഒരു കാര്യം ഉണരുക: അക്രമങ്ങളും രക്തച്ചൊരിച്ചിലുകളും കൊള്ളകളും കൊലകളും ആര്‍ക്കും അല്‍പ്പവും ഗുണം ചെയ്യില്ല. ചരിത്രം പഠനമാക്കിയ ഒരു വ്യക്തി എന്ന നിലയില്‍ ധൈര്യ സമേതം ഞാന്‍ ഒരു കാര്യം നിങ്ങളെ അറിയിക്കട്ടെ: അക്രമങ്ങള്‍ കാരണം ധാരാളം രാജ്യങ്ങളും സംസ്കാരങ്ങളും സംഘങ്ങളും തകര്‍ന്ന് തരിപ്പണമായിട്ടുണ്ട്. 
കൂട്ടത്തില്‍ ഒരു കാര്യം കൂടി ഉണര്‍ത്തട്ടെ: അറബിയില്‍ ഒരു പഴമൊഴിയുണ്ട്: അഗ്നിക്ക് തിന്നാന്‍ ഒന്നും കിട്ടാതെ വന്നാല്‍ അത് സ്വയം ഭക്ഷിക്കുന്നതാണ്.! അതെ, പണപൂജയും സ്ഥാനമോഹവും വര്‍ഗ്ഗീയതയും കുറച്ച് നാളത്തേക്ക് ചിലര്‍ക്ക് ഗുണപ്പെട്ടേക്കാം. എന്നാല്‍ അടുത്തവരെ എല്ലാം നശിപ്പിച്ച ശേഷം അത് വീടിനുള്ളില്‍ തന്നെ അടുത്ത പരിപാടി ആരംഭിക്കും. പരിസര വീടുകളെ തകര്‍ത്ത ശേഷം സ്വന്തം വീട്ടിലുള്ളവരെ കൊല്ലാന്‍ തുടങ്ങും. വെറുപ്പ് ഒരു മാരക രോഗമാണ്. മറ്റുള്ളവരെ വെറുക്കുന്നവന്‍ പിന്നീട് സ്വന്തം ആളുകളെയും വെറുക്കാന്‍ തുടങ്ങും. 
ചുരുക്കത്തില്‍, ഈ രാജ്യം മുഴുവന്‍ സ്വന്തം നാട്ടുകാരെയും വീട്ടുകാരെയും കൊല്ലുകയും തിന്നുകയും ചെയ്യുന്ന ഭീതിദമായ അവസ്ഥ സംജാതമാക്കിക്കൊണ്ടിരിക്കുന്നു. ആകയാല്‍ പരസ്പര വിദ്വേഷത്തിന്‍റെയും മനുഷ്യ വിരോധത്തിന്‍റെയും പണപൂജയുടെയും അധികാര മോഹത്തിന്‍റെയും രാഷ്ട്രീയ കളികളുടെയും മാരക രോഗത്തെ അതിന്‍റെ തുടക്ക സ്ഥാനത്ത് തന്നെ നിയന്ത്രിച്ച് ഇല്ലാതാക്കാന്‍ നാം പരിശ്രമിക്കുക. പരസ്പര വിശ്വാസത്തിന്‍റെയും സാഹോദര്യത്തിന്‍റെയും അന്തരീക്ഷം രാജ്യത്തുണ്ടാകാനുള്ള പരിശ്രമം വളരെ ആവശ്യമായതിനോടൊപ്പം അത്യന്തം പ്രതിഫലാത്മകവുമാണ്. ഇത് പ്രവര്‍ത്തിക്കാന്‍ വരുന്നവര്‍ ഈ രാജ്യത്തിന്‍റെ സേവകന്മാരും സ്നേഹികളുമാണ്. പടച്ചവന്‍ ഇവര്‍ക്ക് ശക്തി നല്‍കുകയും വിജയം കനിയുകയും ചെയ്യുന്നതാണ്. നാം എല്ലാവരും ഈ വാഹക സംഘത്തില്‍ ഉള്‍പ്പെടാന്‍ പരിശ്രമിക്കുക. പടച്ചവന്‍ അനുഗ്രഹിക്കട്ടെ.! 

 
 സ്വാതന്ത്ര്യ ദിന സന്ദേശങ്ങള്‍ക്ക്
*Swahaba Islamic Media* 
എന്ന വാട്സ്അപ് ഗ്രൂപ്പില്‍
https://chat.whatsapp.com/0rZ5jvRHI59BM6BaRZKyJl
അംഗമാവുകയോ ഞങ്ങളുടെ 
*ഫേസ്ബുക്* 
https://www.facebook.com/swahaba islamic foundation 
അല്ലെങ്കില്‍ 
*ബ്ലോഗ്* 
Swahabainfo.blogspot.com സന്ദര്‍ശിക്കുകയോ ചെയ്യാവുന്നതാണ്. 
പയാമെ ഇന്‍സാനിയ്യത്ത് (മാനവികതയുടെ സന്ദേശം) പരിശ്രമത്തില്‍ പങ്കാളികളാകൂ...
 ഇസ്ലാമിക സന്ദേശങ്ങള്‍ കുറഞ്ഞ ചിലവിലും വ്യാപകമായും പ്രചരിപ്പിക്കാനുള്ള ഈ പരിശ്രമത്തില്‍ താങ്കളും പങ്കാളിയാകുക.!
 വാട്സ്അപ്പ്ക് & ഫേസ്ബുക് പോലുള്ള സോഷ്യല്‍ മീഡിയകള്‍ നന്മ പ്രചരിപ്പിക്കുന്നതിനായിരിക്കട്ടെ.!
 പഠിക്കുക, പകര്‍ത്തുക.!
മറ്റുള്ളവര്‍ക്ക് എത്തിച്ചുകൊടുക്കാന്‍ മടി കാണിക്കരുത്.
നാം മരണപ്പെട്ടാലും ജാരിയായ സ്വദഖയായി ഇത് അവശേഷിക്കും.!
 പോസ്റ്റുകളില്‍ മാറ്റം വരുത്തരുത്.
 *എല്ലാ ഗ്രൂപ്പിലേക്കും ഷെയർ ചെയ്യുമല്ലോ.?* 
ആശംസകളോടെ...
 *സ്വഹാബ ഇസ്ലാമിക് ഫൗണ്ടേഷന്‍* 

ഇന്‍ക്വിലാബ് സിന്ദാബാദ്.! 
http://swahabainfo.blogspot.com/2018/01/blog-post_84.html?spref=tw

ഇന്‍ക്വിലാബ് സിന്ദാബാദ് എന്ന ഈ മുദ്രാവാക്യം ആദ്യമായി മുഴക്കിയത് പ്രശസ്ത ഉര്‍ദു കവിയും സ്വാതന്ത്ര്യ സമര സേനാനിയുമായിരുന്ന മൗലാനാ മൊഹാനി (റഹ്) ആണ്. 
ഈ മുദ്രാവാക്യത്തിന്‍റെ ഉപജ്ഞാതാവും അദ്ദേഹം തന്നെ.! 
1921-ല്‍ ഇന്ത്യന്‍ നാഷണല്‍ കോണ്‍ഗ്രസ്സിന്‍റെ 37-)ം സമ്മേളനം ഹകീം അജ്മല്‍ ഖാന്‍റെ നേതൃത്വത്തില്‍ അഹ്മദാബാദില്‍ ചേര്‍ന്നപ്പോള്‍ പരിപൂര്‍ണ്ണ സ്വാതന്ത്ര്യ പ്രമേയം അവതരിപ്പിച്ചത് ഹസ്റത്ത് മൗലാനാ മൊഹാനിയായിരുന്നു. പണ്ഠിറ്റ് നെഹ്റു പൂര്‍ണ്ണ സ്വരാജ് പ്രമേയം അവതരിപ്പിക്കുന്നതിന് ഒമ്പത് വര്‍ഷം മുമ്പായിരുന്നു ഇത് എന്നോര്‍ക്കുക. അതിന്‍റെ പേരില്‍ അന്ന് മൗലാനാ മൊഹാനി അറസ്റ്റ് ചെയ്യപ്പെടുകയുണ്ടായി.
ഈ കേസിന്‍റെ വിചാരണ വേളയില്‍ അദ്ദേഹം കോടതിയില്‍ ചെയ്ത സുദീര്‍ഘമായ പ്രസ്താവന ഉപസംഹരിച്ചത് ഇന്‍ക്വിലാബ് സിന്ദാബാദ് എന്ന മുദ്രാവാക്യത്തോടെയാണ്. മൗലാനാ മൊഹാനിയുടെ കോടതി പ്രസംഗം എന്ന പേരില്‍ ഇത് പ്രസിദ്ധീകരിക്കപ്പെട്ടിട്ടുമുണ്ട്. കോടതി അദ്ദേഹത്തെ അതിന്‍റെ പേരില്‍ ജീവപര്യന്തം തടവിന് ശിക്ഷിച്ചു. അപ്പീലില്‍ ബോംബെ ഹൈക്കോടതി ശിക്ഷ രണ്ട് വര്‍ഷമായി ഇളവ് ചെയ്തു.
അദ്ദേഹം കോണ്‍ഗ്രസ്സ് വര്‍ക്കിംഗ് കമ്മിറ്റി മെമ്പറും സമസ്തേന്ത്യാ മുസ്ലിം ലീഗ് പ്രസിഡണ്ടുമായിരുന്നു. ഇന്ത്യന്‍ സ്വാതന്ത്ര്യ സമരത്തിലെ ഈ ബ്രിട്ടീഷ് വിരുദ്ധ മുന്നണി നായകന്‍ യു. പി. സിംഹം എന്ന അപരനാമത്തില്‍ അറിയപ്പെട്ടു.
ഇന്ത്യന്‍ കമ്മ്യൂണിസ്റ്റ് പാര്‍ട്ടിയുടെ രൂപീകരണത്തില്‍ അദ്ദേഹം മുഖ്യ പങ്ക് വഹിച്ചിട്ടുണ്ട്. 1925-ല്‍ കാണ്‍പൂരില്‍ ചേര്‍ന്ന ഇന്ത്യയിലെ ആദ്യത്തെ കമ്മ്യൂണിസ്റ്റ് കണ്‍വെന്‍ഷന്‍റെ മുഖ്യ സംഘാടകനും സ്വാഗത സംഘം ചെയര്‍മാനും മൗലാനാ മൊഹാനിയായിരുന്നു. അന്നത്തെ പ്രസംഗത്തിലും അദ്ദേഹം ഇന്‍ക്വിലാബ് മുഴക്കുകയുണ്ടായി. അതിനും അദ്ദേഹം അറസ്റ്റ് ചെയ്യപ്പെടുകയും ശിക്ഷ അനുഭവിക്കേണ്ടി വരുകയും ചെയ്തു. പിന്നീട് എത്രയോ കഴിഞ്ഞാണ് ശ്രീ ഭഗത് സിംഗ് ഈ മുദ്രാവാക്യം മുഴക്കിയത്. പക്ഷെ ദുഃഖകരം.! ഈ മുദ്രാവാക്യത്തിന്‍റെ ഉപജ്ഞാതാവ് ശ്രീ. ഭഗത്സിംഗ് ആണെന്ന് പലരും കരുതിവരുന്നു. 
ഇന്ത്യന്‍ സ്വാതന്ത്ര്യ സമരത്തില്‍ മുന്‍നിരയില്‍ നിന്ന് ത്യാഗോജ്ജ്വലങ്ങളായ സംഭാവനകള്‍ അര്‍പ്പിച്ച ജനവിഭാഗത്തെ ബോധപൂര്‍വ്വം വിസ്മരിക്കുകയും ചരിത്രത്തിന്‍റെ താളുകളില്‍ നിന്നും അവരുടെ സംഭാവനകളെ അവഗണിക്കുകയും ചെയ്യുന്ന പ്രവണത വര്‍ദ്ധിച്ചുവരുന്ന ഇക്കാലത്ത് ഇത്തരം ചരിത്ര യാഥാര്‍ത്ഥ്യങ്ങള്‍ വെളിച്ചത്ത് കൊണ്ടുവരുകയും പ്രചരിപ്പിക്കുകയും ചെയ്യേണ്ടത് ഓരോ ഭാരതീയന്‍റെയും ധര്‍മ്മമാണ്. 
ഒരുകാലത്ത് ബ്രിട്ടീഷുകാരെ വിറളി പിടിപ്പിക്കുകയും ഇന്ന് കമ്മ്യൂണിസ്റ്റ് വേദികളിലും പ്രകടനങ്ങളിലും മുഴങ്ങിക്കേള്‍ക്കുന്ന ഈ മുദ്രാവാക്യം, സത്യസന്ധനും ഭക്തനും രാജ്യസ്നേഹിയുമായിരുന്ന ഹസ്റത്ത് മൗലാനാ മൊഹാനിയുടെതാണെന്ന് എത്ര കമ്മ്യൂണിസ്റ്റുകള്‍ക്കറിയാം.?
നമുക്കും മുഴക്കാം... 
ഇന്‍ക്വലാബ് സിന്ദാബാദ്.! 


സ്വാതന്ത്ര്യ സമര സേനാനി
മൗലാനാ ഹുസൈന്‍ അഹ് മദ് മദനി (റഹ്) യെ കുറിച്ച് 
അറിയാന്‍ ആഗ്രഹിക്കുന്നവര്‍ 
ഇവിടെ ക്ലിക് ചെയ്യുക:
http://swahabainfo.blogspot.com/2018/01/blog-post_83.html?spref=tw

സ്വാതന്ത്ര്യ സമര സേനാനി
മൗലാനാ റഷീദ് അഹ് മദ് ഗംഗോഹി (റഹ്) കുറിച്ച് 
അറിയാന്‍ ആഗ്രഹിക്കുന്നവര്‍ 
ഇവിടെ ക്ലിക് ചെയ്യുക:
http://swahabainfo.blogspot.com/2018/01/blog-post_54.html?spref=tw 

സ്വാതന്ത്ര്യ സമര സേനാനി
മൗലാനാ മുഹമ്മദ് അലി ജൗഹറിനെ കുറിച്ച് 
അറിയാന്‍ ആഗ്രഹിക്കുന്നവര്‍ 
ഇവിടെ ക്ലിക് ചെയ്യുക:
http://swahabainfo.blogspot.com/2018/01/blog-post_51.html?spref=tw

സ്വാതന്ത്ര്യ സമര സേനാനി
മൗലാനാ അബുല്‍ കലാം ആസാദിനെ കുറിച്ച് 
അറിയാന്‍ ആഗ്രഹിക്കുന്നവര്‍ 
ഇവിടെ ക്ലിക് ചെയ്യുക:
http://swahabainfo.blogspot.com/2018/01/blog-post_23.html?spref=tw

സ്വാതന്ത്ര്യ സമര സേനാനി 
അല്ലാമാ മുഹമ്മദ് ഇഖ്ബാലിനെ കുറിച്ച് 
അറിയാന്‍ ആഗ്രഹിക്കുന്നവര്‍ 
ഇവിടെ ക്ലിക് ചെയ്യുക:
http://swahabainfo.blogspot.com/2018/01/blog-post_35.html?spref=tw  

സ്വാതന്ത്ര്യ സമര സേനാനി
മൗലാനാ ഉബൈദുല്ലാഹ് സിന്ധി യെ കുറിച്ച് 
അറിയാന്‍ ആഗ്രഹിക്കുന്നവര്‍ 
ഇവിടെ ക്ലിക് ചെയ്യുക:
http://swahabainfo.blogspot.com/2018/01/blog-post_43.html?spref=tw

സ്വാതന്ത്ര്യ സമര സേനാനി 
മൗലാനാ ഹുസൈന്‍ അഹ് മദ് മദനി (റഹ്) യുടെ പ്രിയപ്പെട്ട പുത്രന്‍
ജംഇയ്യത്ത് ഉലമാ എ ഹിന്ദിന്‍റെ അഖിലേന്ത്യാ അദ്ധ്യക്ഷന്‍
മൗലാനാ സയ്യിദ് അര്‍ഷദ് മദനിയുടെ പ്രധാനപ്പെട്ട സന്ദേശം
(രാജ്യസ്നേഹികള്‍ ഉണരുക.!) വായിക്കാന്‍
ഇവിടെ ക്ലിക് ചെയ്യുക:
http://swahabainfo.blogspot.com/2018/01/blog-post_18.html?spref=tw 

അല്ലാമാ സയ്യിദ് അബുല്‍ ഹസന്‍ അലി ഹസനി നദ് വി യുടെ 
പ്രധാനപ്പെട്ട സന്ദേശം 
(ഇന്ത്യ ആഗ്രഹിക്കുന്ന 
യഥാര്‍ത്ഥ സ്വാതന്ത്ര്യം.!) 
വായിക്കാന്‍
ഇവിടെ ക്ലിക് ചെയ്യുക:
http://swahabainfo.blogspot.com/2018/01/blog-post_98.html?spref=tw

-മൗലാനാ മുഹമ്മദ് സജ്ജാദ് നുഅ്മാനി യുടെ 
പ്രധാനപ്പെട്ട സന്ദേശം 
(പ്രിയങ്കര രാജ്യത്തിന്‍റെ രണ്ട് പ്രധാന ചിത്രങ്ങള്‍.!) 
വായിക്കാന്‍
ഇവിടെ ക്ലിക് ചെയ്യുക:
http://swahabainfo.blogspot.com/2018/01/blog-post_42.html?spref=tw

ഇന്ത്യന്‍ സ്വതന്ത്ര്യ സമരത്തിന്‍റെ മുന്നണിപ്പോരാളി 
മര്‍ഹൂം മൗലവി ജാന്‍ബാസിനെ കുറിച്ച് 
അറിയാന്‍ ആഗ്രഹിക്കുന്നവര്‍ 
ഇവിടെ ക്ലിക് ചെയ്യുക:
http://swahabainfo.blogspot.com/2018/01/blog-post_1.html?spref=tw
സ്വാതന്ത്ര്യ സമര കാലത്തെ ശബ്ദങ്ങള്‍  
1 -മൗലാനാ ഹുസൈന്‍ അഹ് മദ് മദനി (റഹ്) 
http://swahabainfo.blogspot.com/2018/01/blog-post_26.html?spref=tw

2 -മൗലാനാ മുഹമ്മദ് അലി ജൗഹര്‍ 
http://swahabainfo.blogspot.com/2018/01/blog-post_94.html?spref=tw 

3 -മൗലാനാ അബുല്‍ കലാം ആസാദ് 

http://swahabainfo.blogspot.com/2018/01/blog-post_88.html?spref=tw
🔚🔚🔚🔚🔚🔚🔚🔚
ആശംസകളോടെ...
🌾 *സ്വഹാബ ഇസ്ലാമിക് ഫൗണ്ടേഷന്‍* 🌾
👉 ഇസ്ലാമിക സന്ദേശങ്ങള്‍ കുറഞ്ഞ ചിലവിലും വ്യാപകമായും പ്രചരിപ്പിക്കാനുള്ള ഈ പരിശ്രമത്തില്‍ താങ്കളും പങ്കാളിയാകുക.!
👉 വാട്സ്അപ്പ്ക് & ഫേസ്ബുക് പോലുള്ള സോഷ്യല്‍ മീഡിയകള്‍ നന്മ പ്രചരിപ്പിക്കുന്നതിനായിരിക്കട്ടെ.!
👉 പഠിക്കുക, പകര്‍ത്തുക.!
മറ്റുള്ളവര്‍ക്ക് എത്തിച്ചുകൊടുക്കാന്‍ മടി കാണിക്കരുത്.
നാം മരണപ്പെട്ടാലും ജാരിയായ സ്വദഖയായി ഇത് അവശേഷിക്കും.!
🚫 പോസ്റ്റുകളില്‍ മാറ്റം വരുത്തരുത്.
🌾 മുൻ പോസ്റ്റുകളും, തുടർന്നുള്ള പോസ്റ്റുകളും ലഭിക്കാന്‍ സന്ദർശിക്കൂ...
Swahabainfo.blogspot.com
https://www.facebook.com/swahaba islamic foundation
🌱 *എല്ലാ ഗ്രൂപ്പിലേക്കും ഷെയർ ചെയ്യുമല്ലോ.?*