1. മുഹമ്മദീ പ്രകാശം ﷺ
അബൂ ഹുറയ്റ (റ) നിവേദനം. റസൂലുല്ലാഹി ﷺ യോട് ചോദിക്കപ്പെട്ടു: അല്ലാഹുവിന്റെ ദൂതരേ, താങ്കള്‍ക്ക് എപ്പോഴാണ് പ്രവാചകത്വം നല്‍കപ്പെട്ടത്.? റസൂലുല്ലാഹി ﷺ അരുളി: ആദം (അ) ആത്മാവിനും ശരീരത്തിനും ഇടയിലായിരുന്നപ്പോള്‍. (അതായത്, ആദം നബി (അ) ന്‍റെ ശരീരത്തില്‍ ആത്മാവ് നിക്ഷേപിക്കപ്പെടുന്നതിന് മുമ്പ്) (തിര്‍മിദി)
ഇര്‍ബാള് ബിന്‍ സാരിയ (റ) നിവേദനം. റസൂലുല്ലാഹി ﷺ അരുളി: ആദം (അ) മണ്ണിലും വെള്ളത്തിലുമായിരിക്കവേ ഞാന്‍ അന്ത്യപ്രവാചകനായിരുന്നു. (അഹ്മദ്)
ജാബിര്‍ ബിന്‍ അബ്ദില്ലാഹ് (റ) വിവരിക്കുന്നു. ഞാന്‍ ചോദിച്ചു, അല്ലാഹുവിന്റെ ദൂതരേ, അല്ലാഹു ഏറ്റവും ആദ്യമായി എന്തിനെയാണ് പടച്ചത്.? റസൂലുല്ലാഹി ﷺ അരുളി: അല്ലാഹു എല്ലാ വസ്തുക്കളെക്കാളും ആദ്യമായി നിങ്ങളുടെ നബിയുടെ പ്രകാശമാണ് പടച്ചത്. ശേഷം അത് അല്ലാഹു ഉദ്ദേശിച്ച സ്ഥലങ്ങളില്‍ സഞ്ചരിച്ചുകൊണ്ടിരുന്നു. (മുസ്നദ് അബ്ദുര്‍റസ്സാഖ്). വേറെ ചില വസ്തുക്കളെയാണ് അല്ലാഹു ആദ്യം പടച്ചതെന്ന് മറ്റ് ചില ഹദീസുകളില്‍ വന്നിട്ടുണ്ട്. റസൂലുല്ലാഹി ﷺ പ്രകാശത്തിന് ശേഷം ആദ്യമായി അവയെയാണ് പടച്ചത് എന്ന് അതിന് വിശദീകരണം പറയേണ്ടതാണ്.
സഹ്ല്‍ ബിന്‍ സ്വാലിഹ് ഹമദാനി വിവരിക്കുന്നു. അബൂ ജഅ്ഫര്‍ മുഹമ്മദ് ബിന്‍ അലി (ഇമാം ബാഖിര്‍) യോട് ഞാന്‍ ചോദിച്ചു: റസൂലുല്ലാഹി ﷺ അവസാനം വന്നിരിക്കേ, എല്ലാ നബിമാരെക്കാളും ഉന്നത സ്ഥാനം എങ്ങിനെ ലഭിച്ചു.? അദ്ദേഹം പറഞ്ഞു: അല്ലാഹു ആത്മാവുകളുടെ ലോകത്ത് എല്ലാവരെയും ഒരുമിച്ച് കൂട്ടി ഞാനല്ലേ രക്ഷിതാവ്.? എന്ന് ചോദിച്ചപ്പോള്‍ അതിന് ആദ്യം അതെ എന്ന് ഉത്തരം നല്‍കിയത് റസൂലുല്ലാഹി ﷺ യാണ്. ഈ നിലയില്‍ റസൂലുല്ലാഹി ﷺ എല്ലാവരെക്കാളും ഒന്നാമനായി. (ജുസ്ഉല്‍ അമാലി)
റസൂലുല്ലാഹി ﷺ തബൂക്കില്‍ നിന്നും മടങ്ങിയ സന്ദര്‍ഭത്തില്‍ അബ്ബാസ് (റ) ചോദിച്ചു: അല്ലാഹുവിന്റെ ദൂതരെ, അങ്ങയെ പുകഴ്ത്തി ഒരു കവിത പാടാന്‍ എനിക്ക് അനുവാദം നല്‍കണം. റസൂലുല്ലാഹി ﷺ അനുവദിച്ചപ്പോള്‍ അദ്ദേഹം ഏതാനും കവിതകള്‍ പാടി. അവയുടെ ആശയം:
ഭൂമുഖത്തേക്ക് വരുന്നതിന് മുമ്പ് അങ്ങ് സ്വര്‍ഗ്ഗത്തിന്‍റെ തണലില്‍ സന്തുഷ്ടനായിരുന്നു. തദവസരം അങ്ങ് ആദിപിതാവിന്‍റെ മുതുകിലുണ്ടായിരുന്നു. ശേഷം പിതാവിനോടൊപ്പം അങ്ങ് ഭൂമിയിലേക്കിറങ്ങി. മഹാന്മാരായ നബിമാരിലൂടെ അങ്ങ് സഞ്ചരിച്ചു. അവസാനം ഉത്തമ കുടുംബത്തില്‍ അങ്ങ് ജനിച്ച് പ്രകാശിച്ചു.
وَكُلُّ آيٍ أَتَي الرُّسُلُ الْكِرَامُ بِهَا
فَإِنَّمَا اتَّصَلَتْ مِنْ نُورِهِ بِهِمْ
فَإِنَّهُ شَمْسُ فَضْلٍ هُمْ كَوَاكِبُهَا
يُظْهِرْنَ أَنْوَارَهَا لِلنَّاسِ فِي ظُلَمِ
يَارَبِّ صَلِّ وَسَلِّمْ دَائِمًا أَبَدًا
عَلَي حَبِيبِكَ خَيْرِ الْخَلْقِ كُلِّهِمْ
തുടരും...
https://swahabainfo.blogspot.com/2020/03/blog-post_24.html?spref=twപ്രവാചക സ്മരണയിലൂടെ സുഗന്ധം പരത്തുക.!
നശ്‌റുത്വീബ് ഫീ ദിക്‌രിന്നബിയ്യില്‍ ഹബീബ് ﷺ
-ഹകീമുല്‍ ഉമ്മത്ത് അല്ലാമാ അഷ്‌റഫ് അലി ത്ഥാനവി (റഹ്)
വിവ:ഹാഫിസ് അബ്ദുശ്ശകൂര്‍ ഖാസിമി
സ്വന്തം നാട്ടിലും പരിസര പ്രദേശങ്ങളിലും പകര്‍ച്ച വ്യാധി പടരുകയും പല പ്രശ്‌നങ്ങളും സംഭവിക്കുകയും ചെയ്തപ്പോള്‍ ഹകീമുല്‍ ഉമ്മത്ത് അല്ലാമാ അഷ്‌റഫ് അലി ത്ഥാനവി (റഹ്) രചിച്ച പ്രവാചക ചരിതങ്ങളും പ്രകീര്‍ത്തനങ്ങളും അടങ്ങിയ ഉത്തമ രചന.! ഇതിന്റെ സംഗ്രഹം മാന്യ അനുവാചകര്‍ക്ക് മുമ്പാകെ സമര്‍പ്പിക്കുന്നു. എല്ലാവരും ആദരവോടെ പാരായണം ചെയ്യാന്‍ അഭ്യര്‍ത്ഥിക്കുന്നു. അല്ലാഹു സ്വീകരിക്കട്ടെ, എളുപ്പമാക്കട്ടെ.!
ഈ രചനയില്‍ സര്‍വ്വ ലോക പരിപാലകനായ അല്ലാഹുവിനെയും ലോകാനുഗ്രഹി റസൂലുല്ലാഹി ﷺ യെയും സ്വഹാബത്തിനെയും സ്മരിക്കപ്പെടുമ്പോള്‍ ആദരവോടെ സ്മരിക്കാനും തസ്ബീഹും സ്വലാത്തും തര്‍ളിയത്തും ചൊല്ലാനും താല്‍പര്യപ്പെടുന്നു. https://swahabainfo.blogspot.com/2020/03/blog-post_23.html?spref=tw
അല്ലാഹുവിന്റെ തിരുവചനങ്ങള്‍ ഓതുകയും ജനങ്ങളെ സംസ്‌കരിക്കുകയും ഖുര്‍ആനും ഹദീസും പഠിപ്പിക്കുകയും ചെയ്ത പ്രവാചകനെ നിയോഗിച്ചതിലൂടെ സത്യവിശ്വാസികളുടെ മേല്‍ വലിയ അനുഗ്രഹം ചെയ്ത അല്ലാഹുവിനാണ് സര്‍വ്വ സ്തുതിയും.!
പാപങ്ങള്‍ ഏറെ പൊറുക്കുന്ന പടച്ചവന്റെ കാരുണ്യവും ലോകാനുഗ്രഹി മുഹമ്മദുര്‍ റസൂലുല്ലാഹ് ﷺ യുടെ ശഫാഅത്തും ആഗ്രഹിക്കുന്ന ഈ മഹാപാപി, പ്രവാചക സ്‌നേഹികളോട് പറയുന്നു: ആദരവായ റസൂലുല്ലാഹി ﷺ യുടെ പ്രവാചകത്വത്തിന് മുമ്പും പിമ്പുമുള്ള അവസ്ഥകള്‍ വിവരിക്കുന്ന ഗദ്യങ്ങളും പദ്യങ്ങളുമടങ്ങിയതും കൂട്ടത്തില്‍ ആവശ്യമായ ഉപദേശങ്ങള്‍ ഉള്‍ക്കൊണ്ടതുമായ ഒരു രചന തയ്യാറാക്കാന്‍ ധാരാളം സഹോദരങ്ങള്‍ വിനീതനോട് ആവശ്യപ്പെടുകയുണ്ടായി. അനാചാരങ്ങളൊന്നും കാട്ടിക്കൂട്ടാതെ, വെള്ളിയാഴ്ച പോലെ ജനങ്ങള്‍ കൂടുന്ന സദസ്സുകളിലും വീട്ടില്‍ സ്ത്രീകളെ കൂട്ടിയിരുത്തിയും ഇത് പാരായണം ചെയ്താല്‍ കൂടുതല്‍ ഫലപ്രദമാകുമെന്നും അവര്‍ ഉണര്‍ത്തി. പകര്‍ച്ച വ്യാധി, ഭൂകമ്പം, വിലക്കയറ്റം പോലെയുള്ള ബാഹ്യമായ പ്രശ്‌നങ്ങളും അനാചാരം, നിഷേധം, പാപം പോലുള്ള ആന്തരികമായ കുഴപ്പങ്ങളും അധികരിച്ച ഈ സമയത്ത് ഇത്തരമൊരു രചന ഫലപ്രദമാണെന്ന് ചിന്തയുണ്ടായി. ഇത്തരം അപകടങ്ങള്‍ ഉണ്ടാകുന്ന സമയത്ത് പ്രവാചക സ്മരണകളും പ്രകീര്‍ത്തനങ്ങളും സ്വലാത്ത്-സലാമുകളും നടത്തുന്ന പതിവ് പണ്ട് മുതല്‍ക്കേയുണ്ട്. പല മഹത്തുക്കളും ബുഖാരി ശരീഫ് പൂര്‍ണ്ണമായി പാരായണം ചെയ്യാറുണ്ട്. തുടര്‍ച്ചയായി ഭൂകമ്പങ്ങള്‍ നടന്നിരുന്ന സമയത്താണ് ഹിസ്‌നുല്‍ ഹസീന്‍ രചിക്കപ്പെട്ടത്. കഠിന രോഗത്തില്‍ കഴിഞ്ഞ ഇമാം ബൂസിരി ബുര്‍ദ രചിക്കുകയും രോഗം ഭേദമാകുകയും ചെയ്ത സംഭവം പ്രസിദ്ധമാണ്. ആകയാല്‍ ദീനിയായ നന്മകളോടൊപ്പം ഇന്നത്തെ ഭൗതികമായ പ്രശ്‌നങ്ങളും ഇതിലൂടെ പരിഹരിക്കപ്പെടുമെന്ന് പ്രതീക്ഷിക്കുന്നു. അല്ലാഹുവിന്റെ അനുഗ്രഹത്താല്‍ ഈ രചന ആരംഭിച്ചത് 1329 റബീഉല്‍ ആഖിര്‍ മാസത്തിലാണ്. കഴിഞ്ഞ റമദാന്‍ മുതല്‍ ഞങ്ങളുടെ നാട്ടിലും പരിസര പ്രദേശങ്ങളിലും വലിയ ക്ഷാമവും പകര്‍ച്ചാ വ്യാധികളുമായിരുന്നു. എന്നാല്‍ ഇതിന്റെ രചന ആരംഭിച്ചത് മുതല്‍ ഞങ്ങളുടെ നാട്ടില്‍ പ്രശ്‌നങ്ങള്‍ കുറഞ്ഞ് തുടങ്ങി. രചന പൂര്‍ത്തിയായപ്പോള്‍ കുഴപ്പങ്ങളും അവസാനിച്ചു. ആയതിനാല്‍ ഇത്തരം സന്ദര്‍ഭങ്ങളില്‍ ഇതിന്റെ പാരായണം കൂടുതല്‍ പ്രയോജനപ്രദമാകുമെന്ന് പ്രതീക്ഷിക്കുകയാണ്. കൂടാതെ ഈ രചനയില്‍ റസൂലുല്ലാഹി ﷺ യെ കുറിച്ച് അധികമായി സ്മരിക്കപ്പെടുന്നതിനാല്‍ സ്വലാത്തുകളും അധികരിക്കുന്നതാണ്. സ്വലാത്തുകളുടെ വര്‍ദ്ധനവ് എല്ലാ മഹാന്മാരും മുന്‍ഗണന കൊടുക്കുന്ന നന്മയും വലിയ നന്മകള്‍ അടങ്ങിയതുമാണ്. അത് കൊണ്ട് തന്നെ സ്വലാത്തിന്റെ മഹത്വങ്ങള്‍ ഇതിന്റെ അവസാന ഭാഗത്ത് പ്രത്യേകം കൊടുക്കുന്നുമുണ്ട്. ഇപ്രകാരം ഈ രചനയില്‍ റസൂലുല്ലാഹ് ﷺ യെ കുറിച്ച് അധികമായി സ്മരിക്കപ്പെടുന്നതിനാല്‍ പ്രവാചക സ്‌നേഹവും ഇതിലൂടെ ഉണ്ടാകുന്നതാണ്. ഇത്, നാളെ പരലോകത്ത് റസൂലുല്ലാഹ് ﷺ യുടെ സമുന്നതമായ ശഫാഅത്തിന് നിമിത്തവുമാണ്.
ചുരുക്കത്തില്‍, ഈ രചനയിലൂടെ ഇഹത്തിലും പരത്തിലും ധാരാളം പ്രയോജനങ്ങളുണ്ടാകുമെന്ന് പ്രതീക്ഷിക്കുകയും അല്ലാഹുവിനോട് ദുആ ഇരക്കുകയും ചെയ്യുന്നു. സയ്യിദുല്‍ മുര്‍സലീന്‍ ഖാതിമുന്നബിയ്യീന്‍ ശഫീഉല്‍ മുദ്‌നിബീന്‍ റസൂലുല്ലാഹ് ﷺ യുടെ ബര്‍കത്ത് കൊണ്ട് അല്ലാഹു ഇതിനെ പൂര്‍ണ്ണതയിലെത്തിക്കുകയും സ്വീകരിക്കുകയും പ്രയോജന പ്രദമാക്കുകയും സര്‍വ്വ വിധ പ്രയാസ-പ്രശ്‌നങ്ങളില്‍ നിന്നുള്ള മോചനത്തിന് കാരണമാക്കുകയും ചെയ്യട്ടെ.!
⭕⭕⭕🔷⭕⭕⭕
ആശംസകളോടെ...
മറ്റുള്ളവര്‍ക്ക് എത്തിച്ചുകൊടുക്കാന്‍ മടി കാണിക്കരുത്.
നാം മരണപ്പെട്ടാലും ജാരിയായ സ്വദഖയായി ഇത് അവശേഷിക്കും.!
സന്ദേശങ്ങള്‍ക്ക്
*Swahaba Islamic Media*
എന്ന വാട്സ്അപ് ഗ്രൂപ്പില്‍
*Group -1*
*Group -2*
അംഗമാവുകയോ ഞങ്ങളുടെ
*ഫേസ്ബുക്*
അല്ലെങ്കില്‍
*ബ്ലോഗ്*
Swahabainfo.blogspot.com സന്ദര്‍ശിക്കുകയോ ചെയ്യാവുന്നതാണ്.
------------------------------
🔹 വൈജ്ഞാനിക പ്രവര്‍ത്തനങ്ങള്‍ നടത്തിക്കൊണ്ടിരിക്കുന്ന *ഓച്ചിറ ദാറുല്‍ ഉലൂമിനെ* സഹായിക്കുന്നതിന്,
🔹 പ്രയോജന പ്രദമായ രചനകള്‍ പ്രസിദ്ധീകരിച്ചുകൊണ്ടിരിക്കുന്
🔹 *അല്‍ ഹസനാത്ത് ത്രൈമാസിക* വരിക്കാരാകുന്നതിന്
ബന്ധപ്പെടുക: +919961955826
No comments:
Post a Comment