ഇന്ത്യ, ഇസ് ലാം, മുസ് ലിംകള്‍.!
-ഹാഫിസ് അബ്ദുശ്ശകൂര്‍ ഖാസിമി
(വര്‍ക്കിംഗ് കമ്മിറ്റി മെമ്പര്‍, ആള്‍ ഇന്ത്യാ മുസ്ലിം പേഴ്സണല്‍ ലാ ബോര്‍ഡ്)
27. ഹിജ്രി 855-ല്‍ ലോധി കുടുംബത്തിന്‍റെ ഭരണമാരംഭിച്ചു. ആദ്യം സുല്‍ത്വാന്‍ ബഹ്ലൂല്‍ ലോധി അധികാരിയായി. ഇദ്ദേഹം ശരീഅത്ത് നിയമങ്ങള്‍ പാലിച്ചിരുന്നു. യാത്രകള്‍ അധികമായി നടത്തുകയും മഹാന്മാരെ ആദരിക്കുകയും സേവിക്കുകയും ചെയ്തിരുന്നു. ലളിത ജീവിതം സ്വീകരിച്ചിരുന്നു. കാര്യങ്ങളെല്ലാം ആലോചിച്ച് സൂക്ഷ്മതയോടെ നീക്കിയിരുന്നു. 38 വര്‍ഷം ഭരണം നടത്തിയ ഇദ്ദേഹം 894 (ഗ്രി; 1489) ല്‍ ഇഹലോകവാസം വെടിഞ്ഞു. തുടര്‍ന്ന് മകന്‍ സിക്കന്ദര്‍ ലോധി അധികാരിയായി. ഇദ്ദേഹം പിതാവിനെ പോലെ സത്സ്വഭാവിയായിരുന്നു. ആലോചനാ സമിതി അംഗങ്ങള്‍ ഇദ്ദേഹത്തെ തെരഞ്ഞെടുത്തപ്പോള്‍ ഇദ്ദേഹം അന്നത്തെ മഹാപുരുഷനായ ശൈഖ് ബഹാഉദ്ദീനെ സന്ദര്‍ശിച്ച് പ്രാര്‍ത്ഥിക്കണമെന്ന് അപേക്ഷിച്ചു. അദ്ദേഹം മീസാന്‍ എന്ന പ്രാരംഭ വിദ്യാര്‍ത്ഥികളുടെ ഗ്രന്ഥമെടുത്ത് അല്ലാഹു താങ്കളെ ഇരുലോകത്തും വിജയിപ്പിക്കട്ടെ എന്ന പ്രഥമ വചനം ഓതുകയും രാജാവിനോട് അത് ആവര്‍ത്തിച്ച് ഓതാന്‍ പറയുകയും ചെയ്തു.
ഇദ്ദേഹം വലിയ മതഭക്തനായിരുന്നു. ധാരാളം മസ്ജിദുകള്‍ സ്ഥാപിക്കുകയും പട്ടണങ്ങള്‍ നിര്‍മ്മിക്കുകയും ചെയ്തു. ആഗ്ര പട്ടണം സ്ഥാപിക്കാന്‍ തുടക്കമിട്ടത് ഇദ്ദേഹമാണ്. നിരവധി പാഠശാലകളും സ്ഥാപിച്ചു. പണ്ഡിതന്മാരുടെ പാഠങ്ങളും പ്രഭാഷണങ്ങളും ശ്രദ്ധാപൂര്‍വ്വം ശ്രവിച്ചിരുന്നു. ഒരിക്കല്‍ ഒരു സ്ഥലത്ത് ഹൈന്ദവ സഹോദരങ്ങള്‍ റോകീഷ്തര്‍ എന്ന സ്ഥലത്തുള്ള പൗരാണിക ക്ഷേത്രത്തില്‍ ആരാധനയ്ക്ക് വേണ്ടി തടിച്ച് കൂടുകയും അവിടെ വലിയ ബഹളങ്ങള്‍ നടക്കുകയും ചെയ്തു. ഇത് അക്രമത്തിലേക്ക് കടന്നപ്പോള്‍ ചിലര്‍ ഇവരെ വധിക്കുകയും ക്ഷേത്രം പൊളിക്കുകയും ചെയ്യണമെന്ന് ആവശ്യപ്പെട്ടു. സുല്‍ത്വാന്‍ പ്രധാന പണ്ഡിതനായ മലിക്കുല്‍ ഉലമാ അബ്ദുല്ലായോട് ഇതിനെ കുറിച്ച് ചോദിച്ചു. അദ്ദേഹം പ്രഖ്യാപിച്ചു: നമ്മുടെ കീഴിലുള്ള അമുസ്ലിംകളെ ആരാധനാ കാര്യങ്ങളില്‍ നിന്നും തടയാനും അവരുടെ ആരാധനാ കേന്ദ്രങ്ങളെ തകര്‍ക്കാനും നമുക്ക് അധികാരമില്ല.! ഇത് കേട്ടപ്പോള്‍ ചിലര്‍ ബഹളമുണ്ടാക്കുകയും ആദ്യം പണ്ഡിതനെ തന്നെ വക വരുത്തുമെന്ന് ഭീഷണി മുഴക്കുകയും ചെയ്തു. മലിക്കുല്‍ ഉലമാ ശാന്തമായി പ്രതിവചിച്ചു. എല്ലാവരെയും നിയന്ത്രിക്കുന്നത് പടച്ചവനാണ്. അവന്‍റെ തീരുമാനമില്ലാതെ ആരും മരിക്കുന്നതല്ല. നിങ്ങള്‍ ചോദിച്ചതിന് ഇസ്ലാമിന്‍റെ വെളിച്ചത്തില്‍ ഞാന്‍ മറുപടി പറഞ്ഞു.! ഇത് കേട്ടപ്പോള്‍ ജനങ്ങളെല്ലാവരും ശാന്തരാവുകയും തീരുമാനം അംഗീകരിക്കുകയും ചെയ്തു. (ആബെ കൗസര്‍) ഇരുപത്തിയെട്ട് വര്‍ഷം ഭരണം നടത്തിയ സിക്കന്ദര്‍ ലോധി 923-ല്‍ ഇഹലോകവാസം വെടിഞ്ഞു.
https://swahabainfo.blogspot.com/2020/03/27.html?spref=tw
ഇതിന് മുമ്പുള്ള ഭാഗങ്ങള്‍ വായിക്കാന്‍ ഇവിടെ ക്ലിക്ക് ചെയ്യുക:
https://swahabainfo.blogspot.com/2020/01/blog-post_10.html?spref=tw
പ്രസിദ്ധീകരണം:സ്വഹാബ ഫൗണ്ടേഷന്‍
ഇസ് ലാമും, മുസ് ലിംകളും, ഇന്ത്യയും തമ്മിലുള്ള ബന്ധം ലോകത്തിന്‍റെ ആദ്യം മുതല്‍ക്കുള്ളതും ഇന്നും എന്നും ശക്തമായി നിലനില്‍ക്കുന്നതുമാണ്. എന്നാല്‍ ദുഖകരമെന്ന് പറയട്ടെ, ചില കറുത്ത ശക്തികള്‍ അത് മുറിച്ച് മാറ്റാന്‍ കിണഞ്ഞ് പരിശ്രമിക്കുന്നു. അതിന് അവര്‍ സ്വീകരിച്ച പ്രധാന മാര്‍ഗ്ഗമാണ് മാതൃകാപരവും അനുഗ്രഹീതവുമായ ചരിത്ര വസ്തുതകളെ വളച്ചൊടിച്ച്, അസത്യങ്ങളും അര്‍ദ്ധസത്യങ്ങളും കൂട്ടിയിണക്കിക്കൊണ്ടുള്ള പ്രചണ്ഠമായ പ്രചാരണങ്ങള്‍. എന്നാല്‍ നല്ലവരും നന്മകളും മാത്രമായിട്ടേ ഇസ്ലാമിനും മുസ്ലിംകള്‍ക്കും മുഴുവന്‍ ഭാരതീയര്‍ക്കും ബന്ധമുള്ളൂ. ബന്ധമുണ്ടാകാന്‍ പാടുള്ളൂ. പടച്ചവന്‍റെ അനുഗ്രഹീത നാമത്തില്‍ ഈ വിഷയത്തില്‍ (ഇന്ത്യ, ഇസ് ലാം, മുസ് ലിംകള്‍.!) ഒരു പരമ്പര ആരംഭിക്കുകയാണ്. ഇതിന് നിര്‍മ്മാണാത്മക അഭിപ്രായങ്ങളും കൂട്ടിച്ചേര്‍ക്കലുകളും പ്രചാരണങ്ങളും നടത്തി മാന്യ അനുവാചകര്‍ക്കും ഇതില്‍ പങ്കാളികളാകാന്‍ കഴിയുന്നതാണ്. പടച്ചവന്‍ അനുഗ്രഹിക്കട്ടെ.!
⭕⭕⭕🔷⭕⭕⭕
ആശംസകളോടെ...
മറ്റുള്ളവര്‍ക്ക് എത്തിച്ചുകൊടുക്കാന്‍ മടി കാണിക്കരുത്.
നാം മരണപ്പെട്ടാലും ജാരിയായ സ്വദഖയായി ഇത് അവശേഷിക്കും.!
സന്ദേശങ്ങള്‍ക്ക്
*Swahaba Islamic Media*
എന്ന വാട്സ്അപ് ഗ്രൂപ്പില്‍
*Group -1*
*Group -2*
അംഗമാവുകയോ ഞങ്ങളുടെ
*ഫേസ്ബുക്*
അല്ലെങ്കില്‍
*ബ്ലോഗ്*
Swahabainfo.blogspot.com സന്ദര്‍ശിക്കുകയോ ചെയ്യാവുന്നതാണ്.
------------------------------
🔹 വൈജ്ഞാനിക പ്രവര്‍ത്തനങ്ങള്‍ നടത്തിക്കൊണ്ടിരിക്കുന്ന *ഓച്ചിറ ദാറുല്‍ ഉലൂമിനെ* സഹായിക്കുന്നതിന്,
🔹 പ്രയോജന പ്രദമായ രചനകള്‍ പ്രസിദ്ധീകരിച്ചുകൊണ്ടിരിക്കുന്ന *സയ്യിദ് ഹസനി അക്കാദമി* യുമായുമായി ബന്ധപ്പെടുന്നതിന്,
🔹 *അല്‍ ഹസനാത്ത് ത്രൈമാസിക* വരിക്കാരാകുന്നതിന്
ബന്ധപ്പെടുക: +919961955826
No comments:
Post a Comment