🌴ഇമാം മുല്ലാ അലിയ്യുല്‍ ഖാരി : അറിവിന്‍റെ പ്രകാശ നക്ഷത്രം.!

ഇമാം മുല്ലാ അലിയ്യുല്‍ ഖാരി : 
അറിവിന്‍റെ പ്രകാശ നക്ഷത്രം.! 
-മമ്മൂട്ടി അഞ്ചുകുന്ന്  
https://swahabainfo.blogspot.com/2019/09/blog-post_24.html?spref=tw 

ഇന്ത്യന്‍ ഉപഭൂഖണ്ഡം ജന്മം നല്‍കിയ പ്രാമാണികരായ ഇമാമുമാരില്‍ മുന്‍ നിരക്കാരനാണ് അല്ലാമാ മുല്ലാ അലിയ്യുല്‍ ഖാരി. ഇമാം ഷാഹ് വലിയുല്ലാഹി ദഹ്ലവിക്ക് ഒന്നര നൂറ്റാണ്ട് മുമ്പാണ് ഹനഫീ മദ്ഹബിലെ അവസാന വാക്കായി കണക്കാക്കുന്ന ഇമാം അവറുകളുടെ ജീവിത കാലം. ഇന്നത്തെ അഫ്ഗാനില്‍ ജനിച്ചു. മക്കയില്‍ ജീവിച്ച മഹാ പണ്ഡിതനായിരുന്നു മുല്ലാ നൂറുദ്ദീന്‍ അബൂ ഹസന്‍ അലിയ്യുല്‍ ഖാരി. ബഹുമുഖ പ്രതിഭയായിരുന്ന അദ്ദേഹം  കര്‍മ്മശാസ്ത്ര വിഷാരദന്‍, ഹദീസ് പണ്ഡിതന്‍, ഭാഷാ ശാസ്ത്ര വിദഗ്ദന്‍, തത്വജ്ഞാനി, കാലിഗ്രാഫി വിദഗ്ധന്‍, ചരിത്രകാരന്‍, ഖുര്‍ആന്‍ പണ്ഡിതന്‍, ഖുര്‍ആന്‍ പാരായണ പ്രതിഭ എന്നിങ്ങനെ എണ്ണമറ്റ മേഖലകളില്‍ പ്രശോഭിച്ച അതുല്യ വ്യക്തിത്വമായിരുന്നു. 
ഖുറാസാന്‍ പട്ടണമായ ഹെറാത്തില്‍ ജനിച്ച അലിയ്യുല്‍ ഖാരി, മുഈനുദീന്‍ ഹാറാവി എന്ന  പണ്ഡിതരില്‍ നിന്ന് ഖുര്‍ആന്‍റെ പ്രാഥമിക, പാരായണ പാഠങ്ങള്‍ അഭ്യസിച്ചു. ഓര്‍മ്മ ശക്തിയില്‍ അത്ഭുതമായിരുന്ന ആ വിദ്യാര്‍ത്ഥി ഖുര്‍ആന്‍ പാരായണത്തില്‍ മികച്ചു നിന്നു. തറാവീഹ് നമസ്കാരത്തില്‍ സ്ഥിരം നേതൃത്വം നല്‍കി വന്നു. ഖുര്‍ആന്‍ പാരായണ ശാസ്ത്രത്തില്‍ അഗാധമായ അറിവും പ്രാഗത്ഭ്യവും ഉണ്ടായിരുന്നതിനാല്‍ അദ്ദേഹത്തിന് 'ഖാരി' എന്ന സ്ഥാനപ്പേര് സിദ്ധിച്ചു.  പേര്‍ഷ്യന്‍ ഭാഷ്യയില്‍ പണ്ഡിതന്‍ എന്ന അര്‍ത്ഥത്തില്‍ മുല്ലാ എന്നു വിളിക്കപ്പെടുന്നു. 
ഷിയാ വിശ്വാസിയായ സഫവി സുല്‍ത്താന്‍  ഇസ്മാഈല്‍ ബിന്‍ ഹൈദര്‍ എന്ന ഷാഹ് ഇസ്മാഈല്‍ രാജാവ് ക്രിസ്താബ്ദം 1515-ല്‍ ഖുറാസാന്‍ കീഴടക്കിയപ്പോള്‍ അഹ്ലുസ്സുന്നയുടെ അനുയായികളെ കൂട്ടക്കൊല നടത്തുകയും ഷിയാ വിശ്വാസാചാരങ്ങള്‍ നിര്‍ബന്ധമാക്കുകയും ചെയ്തു. വെള്ളിയാഴ്ച്ച ഖുതുബ പ്രസംഗത്തില്‍ ഇസ്ലാമിലെ ഖുലഫാഉര്‍റാഷിദയെ ഭത്സിക്കുക എന്നത് നിയമമായി. ഇത് മൂലം അഹ്ലുസ്സുന്നയുടെ  പണ്ഡിതരെല്ലാം ആ പ്രദേശം  വിട്ട കൂട്ടത്തില്‍ അലിയ്യുല്‍ ഖാരി മക്കയിലേക്ക് ചേക്കേറി. മക്കയില്‍ ചെന്ന് വിദ്യാഭ്യാസം തുടരുക എന്നതായിരുന്നു അദ്ദേഹത്തിന്‍റെ ലക്ഷ്യം. മക്കയില്‍ വെച്ച് അദ്ദേഹം, ഇമാം ഇബ്നു ഹജറുല്‍ ഹൈത്തമിയുടെയും മറ്റനേകം പ്രഗത്ഭരായ പണ്ഡിത മഹത്തുക്കളുടെയും ശിഷ്യത്വം സ്വീകരിച്ചു. 
ഖുര്‍ആന്‍ വാചകങ്ങളും അതിന്‍റെ വ്യാഖ്യാനവും മനോഹരമായി കാലിഗ്രാഫി ചെയ്യുമായിരുന്ന അദ്ദേഹം അതിന്‍റെ വരുമാനം മൂലം മക്കയില്‍ പിടിച്ചു നിന്നു. തന്‍റെ മനോഹരമായ കൈപ്പടയില്‍ എഴുതിയ പുസ്തകങ്ങള്‍ വിറ്റും അദ്ദേഹം ഉപജീവനം കണ്ടെത്തി. 
സൂക്ഷ്മതയും ദൈവഭയവും നിറഞ്ഞ ജീവിതമായിരുന്നു ശൈഖിന്‍റേത്. ഐഹികമായ താല്‍പര്യങ്ങള്‍ ഒട്ടുമുണ്ടായിരുന്നില്ല. പണ്ഡിതന്മാര്‍ ഭരണാധികാരികളെ പുകഴ്ത്തുക, അവരില്‍ നിന്ന് ഔദാര്യങ്ങള്‍ സ്വീകരിക്കുക എന്നിവയോടെല്ലാം ഇമാം അവര്‍കള്‍ക്ക് കടുത്ത എതിര്‍പ്പായിരുന്നു. പണ്ഡിതന്‍ എന്ന നിലയില്‍ ഭരണകൂടം നല്‍കുന്ന ജോലി സ്വീകരിക്കുവാനോ മറ്റോ അദ്ദേഹം തയ്യാറായില്ല. പണ്ഡിതര്‍ ഭരണാധികാരികളുടെ തിണ്ണ നിരങ്ങരുത് എന്ന ഉപദേശം നല്‍കിയ, തന്‍റെ പിതാവിനെ സ്മരിച്ചു കൊണ്ട് ഈ വിഷയം ഇദ്ദേഹം എഴുതുകയും പറയുകയും ചെയ്യാറുണ്ടായിരുന്നു. 
ഹനഫീ മദ്ഹബിലെ സുപ്രധാന അവലംബമായ അല്ലാമാ ഇബ്നു ആബിദീന്‍ എഴുതുന്നു; 'കാലഘട്ടത്തിന്‍റെ മുജദ്ദിദ് എന്ന പദവിയുടെ എല്ലാ സൂചനകളും ഇമാം മുല്ലാ അലിയ്യുല്‍ ഖാരിയില്‍ ഉണ്ടായിരുന്നു. നിഷേധികളല്ലാതെ ആരും ഇതില്‍ സംശയം പറയുകയില്ല.' 
ഇമാം അബ്ദുല്‍ ഹയ്യ് ലഖ്നവി എഴുതുന്നു; 
'ഇമാം മുല്ലാ അലിയ്യുല്‍ ഖാരി വിജ്ഞാന സാഗരമായിരുന്നു. അദ്ദേഹം അനേകം പ്രയോജന പ്രദമായ രചനകള്‍ നിര്‍വ്വഹിച്ചിട്ടുണ്ട്. ആ കാലഘട്ടത്തിലെ പണ്ഡിതന്മാരില്‍ ഉന്നതനും മുജദ്ദിദുമായി മഹാനവറുകള്‍ കണക്കാക്കപ്പെടുന്നു.' (ശറഹ് മുവത്വ) 
വിശുദ്ധ ഹറം ശരീഫില്‍ തന്നെ അധ്യാപനം ആരംഭിച്ചു. പ്രഗത്ഭരായ പലരും അദ്ദേഹത്തിന് കീഴില്‍ വിദ്യ അഭ്യസിക്കാനെത്തി. ഇസ്ലാമിക ചരിത്രത്തിലെ വിഖ്യാതമായ കൃതികള്‍ക്ക് വ്യാഖ്യാനം എഴുതാന്‍ ആരംഭിച്ചു. ഖാളി ഇയാളിന്‍റെ കിതാബു ഷിഫക്കും, ഇമാം ഗസ്സാലിയുടെ ഇഹ്യക്കും, ഇമാം തിര്‍മിദിയുടെ ശമാഇലെ തിര്‍മിദിക്കും അദ്ദേഹം വ്യാഖ്യാനം രചിച്ചു. ഇദ്ദേഹത്തിന്‍റെ ഏറ്റവും പ്രസിദ്ധമായ രചന മിശ്കാത്തിന്‍റെ  ശറഹ് ആയി രചിച്ച 'മിര്‍ഖാത്' ആണ്. ഇമാം മാലിക്കിന്‍റെ മുവത്വക്കും, അഖാഇദു നസ്വഫിയ്യക്കും മറ്റനേകം കിതാബുകള്‍ക്കും അല്ലാമാ മുല്ലാ അലിയ്യുല്‍ ഖാരി ശറഹ് എഴുതിയിട്ടുണ്ട്. അല്‍ ഹിസ്ബുല്‍ അഅ്ളം എന്ന പേരില്‍ നിത്യേന ചൊല്ലേണ്ട ആയത്ത് ഔറാദുകളും അദ്ദേഹം ക്രോഡീകരിച്ചിട്ടുണ്ട്. ഇമാം അബൂ ഹനീഫയുടെ ഫിഖ്ഹുല്‍ അക്ബറിന് അദ്ദേഹം എഴുതിയ  ബ്രഹത്തായ വ്യാഖ്യാനം ശറഹ് ഫിഖ്ഹ് അക്ബര്‍ ലോകപ്രസിദ്ധമാണ്. ഇത് കൂടാതെ എണ്ണമറ്റ കനപ്പെട്ട രചനകളും ആ പണ്ഡിത പ്രതിഭയുടേതായിട്ടുണ്ട്. 
അറേബ്യന്‍ പണ്ഡിതന്മാര്‍ക്കിടയില്‍ അദ്ദേഹം പ്രസിദ്ധനാവുകയും വിവിധ അറേബ്യന്‍ നാടുകളില്‍ അദ്ദേഹത്തിന് സ്വീകാര്യത വര്‍ദ്ധിക്കുകയും ചെയ്തു. അദ്ദേഹത്തിന്‍റെ പാണ്ഡിത്യവും അദ്ദേഹം എഴുതിയ കനപ്പെട്ട ഗ്രന്ഥങ്ങളും അവര്‍ക്കിടയില്‍ ചര്‍ച്ച ചെയ്യപ്പെട്ടു. അറബികളും അനറബികളുമായ വിഖ്യാതരായ അനേകം ശിഷ്യന്മാര്‍ ഇമാം അവര്‍കള്‍ക്കുണ്ട്. ഇന്ത്യയിലെ പ്രസിദ്ധ പണ്ഡിതനായ അല്ലാമാ അബ്ദുല്‍ ഹഖ് മുഹദ്ദിസ് ദഹ്ലവി പ്രമുഖ ശിഷ്യനാണ്.  
ഇമാം മുല്ലാ അലിയ്യുല്‍ ഖാരി മരണം വരെ ഏകദേശം നാല് പതിറ്റാണ്ട് മക്കയില്‍ താമസിക്കുകയും വിശുദ്ധ കഅ്ബയുടെ പരിസരത്ത് വെച്ചു തന്നെ ക്രിസ്താബ്ദം 1605-ല്‍ അന്ത്യശ്വാസം വലിക്കുകയും ചെയ്തു.  അദ്ദേഹത്തിന്‍റെ മരണം അറിഞ്ഞപ്പോള്‍ ഈജിപ്ത്യന്‍ പണ്ഡിതന്മാര്‍  അല്‍ അസ്ഹര്‍ യൂണിവേഴ്സിറ്റിയില്‍ ജനാസ നമസ്കാരം സംഘടിപ്പിക്കുകയും നാലായിരത്തോളം ആളുകള്‍ അതില്‍ സംബന്ധിക്കുകയും ചെയ്തതായി രേഖപ്പെടുത്തപ്പെട്ടിരിക്കുന്നു. ജന്നത്തുല്‍ മുഅല്ലയിലാണ് ആ മഹാപണ്ഡിതന്‍ ഖബ്റടക്കപ്പെട്ടത്. 

⭕⭕⭕🔷⭕⭕⭕

ആശംസകളോടെ...

 *സ്വഹാബ ഇസ്ലാമിക് ഫൗണ്ടേഷന്‍*  

 ഇസ്ലാമിക സന്ദേശങ്ങള്‍ കുറഞ്ഞ ചിലവിലും വ്യാപകമായും പ്രചരിപ്പിക്കാനുള്ള ഈ പരിശ്രമത്തില്‍ താങ്കളും പങ്കാളിയാകുക.! 

 വാട്സ്അപ്പ്ക് & ഫേസ്ബുക് പോലുള്ള സോഷ്യല്‍ മീഡിയകള്‍ നന്മ പ്രചരിപ്പിക്കുന്നതിനായിരിക്കട്ടെ.!

 പഠിക്കുക, പകര്‍ത്തുക.!

മറ്റുള്ളവര്‍ക്ക് എത്തിച്ചുകൊടുക്കാന്‍ മടി കാണിക്കരുത്.

നാം മരണപ്പെട്ടാലും ജാരിയായ സ്വദഖയായി ഇത് അവശേഷിക്കും.!

 പോസ്റ്റുകളില്‍ മാറ്റം വരുത്തരുത്. 

 *സ്വഹാബ ഇസ്ലാമിക് ഫൗണ്ടേഷന്‍* 

സന്ദേശങ്ങള്‍ക്ക്

*Swahaba Islamic Media* 

എന്ന വാട്സ്അപ് ഗ്രൂപ്പില്‍ 

*Group -1*

https://chat.whatsapp.com/0rZ5jvRHI59BM6BaRZKyJl 

*Group -2* 

https://chat.whatsapp.com/359zl3SYCWcEKgdCwqWUO0

അംഗമാവുകയോ ഞങ്ങളുടെ 

*ഫേസ്ബുക്* 

https://www.facebook.com/swahabaislamicfoundation 

അല്ലെങ്കില്‍ 

*ബ്ലോഗ്* 

Swahabainfo.blogspot.com സന്ദര്‍ശിക്കുകയോ  ചെയ്യാവുന്നതാണ്. 

🔹🔹🔹🔹🔹🔹 

 വൈജ്ഞാനിക പ്രവര്‍ത്തനങ്ങള്‍ നടത്തിക്കൊണ്ടിരിക്കുന്ന *ഓച്ചിറ ദാറുല്‍ ഉലൂമിനെ* സഹായിക്കുന്നതിന്, 

 പ്രയോജന പ്രദമായ രചനകള്‍ പ്രസിദ്ധീകരിച്ചുകൊണ്ടിരിക്കുന്ന *സയ്യിദ് ഹസനി അക്കാദമി* യുമായുമായി ബന്ധപ്പെടുന്നതിന്, 

 *അല്‍ ഹസനാത്ത് ത്രൈമാസിക* വരിക്കാരാകുന്നതിന്, 

 *സ്വഹാബ ഇസ്‌ ലാമിക് ഫൗണ്ടേഷൻ* സന്ദേശങ്ങൾക്ക് 

ബന്ധപ്പെടുക: +919961955826 

 *എല്ലാ ഗ്രൂപ്പിലേക്കും ഷെയർ ചെയ്യുമല്ലോ.?*